Ngayong 11:00 ng umaga, Nobyembre 1, 2020, ayon sa datos ng PAGASA, ang Super Typhoon (STY) “ROLLY” ay bahagyang humina at bumalik sa kategoryang Typhoon na may lakas na 215 kph malapit sa gitna at may pag bugsong aabot sa 295 kph. Ito ay namataan sa katubigan ng Pasacao, Camarines Sur.

Tinatahak nito ang rehiyon ng CALABARZON ngayong hapon na kasalukuyang nakataas ang Tropical Cyclone Wind Signal (TCWS) # 4. Samantalang ang katimugang bahagi ng lalawigan ng Nueva Ecija (Cuyapo, Talugtug, Muñoz City, Llanera, Rizal, Bongabon, Gabaldon, General Tinio, Laur, Palayan City, General Mamerto Natividad, Cabanatuan City, Santa Rosa, Peñaranda, Gapan City, San Isidro, Cabiao, San Antonio, Jaen, San Leonardo, Zaragoza, Aliaga, Talavera, Santo Domingo, Quezon, Licab, Guimba, Nampicuan) ay kabilang sa mga lugar na nakailalim sa TCWS # 3.

Ating paghandaan ang matagalang pagbuhos ng ulan na maaaring maging sanhi ng pagbaha, pagguho ng lupa sa gilid ng ilog at sa kabundukan.

Patuloy na makinig, manood, at magbasa ng balita;

Sa panahong ito nararapat na naisagawa na ang paglikas tungo sa ligtas na lugar o sa itinalagang evacuation centers;

Sa evacuation center, ugaliin ang pag-iingat, pagsusuot ng face mask, paghuhugas ng kamay, at physical distancing.

Sumunod sa direktiba ng kinauukulan.